تیراژی بیر میلیوندان چوخ اولان مشهور «ده نیو یورک تایمس» قزئتی‌نین بیرینجی صحیفه‌سینده ایرانین یئنی سئچیلمیش پرزیدنتی مسعود پزشکیانین تصویری اولان «ایران‌دا دییشیکلیک وعدلری» باش‌لیقلی یازی درج ائدیلیب.

Axar.az خبر وئریر کی، قیزی ایله تصویرینین پایلاشیلدیغی مقاله‌ده پزشکیانین بیاناتلاری و غربله علاقه‌لری حاقیندا دئدیکلری یئر آلیب.

مقاله‌ده مسعود پزشکیانین شخصی حیاتینا و حیات یولداشینین یول قزاسی نتیجه‌سینده دونیاسینی دییشمه‌سینه، سئچکیلرده غالیب گلدیکدن سونرا مرحوم خانیمی اوچون تؤکدویو گؤز یاشلارینا و سئوگی دولو سؤزلرینه توخونولاراق یازیلیب: «ایران‌دا سیاست‌چیلرین گؤز یاشلاری و روماتیک آچیقلامالاری نادیر حاللاردا کامئرا قارشیسین‌دا باش وئریر».

همچینین ،قزئت یازیب کی، مسعود پزشکیان خانیمی‌نین یوخلوغوندا عائله‌سینین و اوچ اؤولادینین یانیندا اولدوغو کیمی، خالقینین دا یانیندا قالاجاغینا سؤز وئریب.