ایران پرزیدنتی مسعود پزشکیان اؤلکه کونستیتوسییاسیندا غیری-فارس دیللرین تدریسی ایله باغلی ۱۵-جی ماددنین حیاتا کئچیریلمه‌سی استیقامتینده ایلک آددیمی آتیب.

Axar.az خبر وئریر کی، بو باره‌ده پزشکیانین سئچکی قرارگاهی معلومات یاییب.

بیلدیریلیب کی، بونون اوچون "۱۵-جی پرینسیپ کومیته‌سی» یارادیلیب و دوکتور جواد میری کومیته‌نین رهبری تعیین ائدیلیب.

۱۵-جی ماددنین نئجه و هانسی سوییه‌ده اجرا اولوناجاغی باره‌ده گئنیش آچیقلاما وئریلمه‌سه ده، پزشکیانا یاخین دایره‌لر یئنی تحصیل ایلیندن تورکلر یاشایان بیر سیرا بؤلگه‌لرده سیناق اوچون آنا دیلینده تحصیلین ایلک مرحله‌سی‌نین باشلانیلیلماسی‌نین نظرده توتولدوغونو بیلدیریبلر.

قید ائدک کی، "۱۵-جی پرینسیپ کومیته‌سی»نین رهبری جواد میری بو باره‌ده اؤزونون X صحیفه‌سینده پایلاشیم ائتسه ده، باشچی‌لیق ائده‌جه‌یی کومیته‌نین فعالیتی‌نین تفرعاتی باره‌ده آچیقلاما وئرمه‌ییب.