۱۳ ایلدیر تورکییهده یاشایان گونئی آذربایجانلی یازیچی و تدقیقاچی علی عسگر حقدار ایرانا گئری قایتاریلا بیلر.
Axar.az خبر وئریر کی، بو بارهده انسان حاقلاری فعاللاری خبردارلق ائدیب.
بیلدیریلیب کی، تدقیقاتوی ۱۳ ایوندا استانبول شهرینده ساخلانیلاراق "آرناووت کؤی" قاچقین دوشرگهسینه آپاریلیب.
محکمه علی عسگر حقدارین یاخینلاری، وکیلی و انسان حاقلاری فعاللارینین اونون ضامینه بوراخیلماسی ایله باغلی مراجعتلرینی رد ائدیب.
آنکارادا یئرلشن خزر مدنیت اینستیتوتو ایله امکداشلیق ائدن علی عسگر حقدار، مدنی فعالیتلرینه گؤره ۲۰۱۳-جو ایلده تورکییهده "هلمان هامت" سؤز آزادلیغی و انسان حاقلاری مکافاتینی آلیب.
حقدار, مشروطه حرکاتی، گونئی آذربایجاندا میللی کیملیک، اجتماعی و تاریخی مسئلهلرله باغلی بیر نئچه کیتابین مؤلفیدیر.
اونون «ایران تورکلرینین کیملیینین انتیباهی» اثری تورکییهده ایکی دفعه نشر اولونوب.