ایرانین مازانداران ایالتی‌نین نور شهرین‌ده حکومت مأمورلاری مجبوری حجاب قایدالارینی پوزان ۳۰ یاش‌ی آرزو بدرینی گولله‌له‌ییب.

Axar.az خبر وئریر کی، بو باره‌ده یئرلی انسان حاقلاری فعاللاری معلومات یاییب.

"آرزو بدری‌نین بوندان اول مجبوری حجاب قایدالارینی پوزدوغونا گؤره آوتوموبیلی مصادره باره‌ده چیخاریلان قرار سیاهییا سالینمیشدی. بدری شهرده شخصی آوتوموبیلی ایله حرکت ائتدیی زامان پلیس اونو ساخلاماق و آوتوموبیلینی الیندن آلماق اوچون ایکی دفعه آتش آچیب، گولله‌لردن بیری آوتوموبیله، بیری ایسه آرزو بدرییه دییب"،- معلوماتدا بیلدیریلیب.

فعاللارین بیلدیردیینه گؤره، آرزو بدری آغیر یارالانیب، کومایا دوشوب و خسته‌خانانین رئانیماسییا بؤلمه‌سینه یئرلشدیریلیب.

عملیات زامانی معلوم اولوب کی، گولله گنج خانیمین اونورغا سومویونه دییب، اونون اونورغا سومویو زدله‌نیب و بئلدن آشاغی حیصه‌سی ایفلیج اولوب.

آ. بدری‌نین حیاتی تهلوکه‌ده اولدوغونا گؤره، او، نور شهرینین خسته‌خاناسیندان ایالت مرکزی ساری شهرینین "خمینی" خسته‌خاناسینا کؤچورولوب.