آذربایجان ایالتلریندن اولان ملت وکیللری ایران پرزیدنتی مسعود پزشکیانا مراجعت ائد‌رک اوندان ۵ ناظیرلییه آذربایجانلی متخصصلرین تعیین ائدیلمه‌سینی ایسته‌ییبلر.

Axar.az خبر وئریر کی، بو باره‌ده تبریزین ملت وکیلی علیرضا نوین معلومات یاییب.

«شرقی آذربایجان ایالتیندن اولان ملت وکیللری بیرلیی باجاریقلی آذربایجانلی ضیالیلاردان ۵ اساس ناظیرلییه تعیین ائدیلمک اوچون آدلار تکلیف ائدیب. تکلیف ائدیله‌ن شخصلرین اداره‌چی‌لیک کئچمیشی و باجاریقلاری بیرلیک طرفیندن قیمتلندیریب. آدلار جناب پرزیدنتین اؤزونه تقدیم ائدیلیب و امید ائدیریک کی، دقته آلیناجاق»،- ملت وکیلی بیلدیریب.

نوینین سؤزلرینه گؤره، «صنایع، معدن و تجارت»، «یول و شهرسالما»، «نفت»، «مدنی ارث و توریزم» و «امک و سوسیال رفاه» ناظیرلیکلری اوچون آدلار تکلیف ائدیلیب.

ملت وکیلی ساده‌جه ناظیرلر کابینتی دئییل، حکومتین دیگر بؤلمه‌لری، او جمله‌دن، دولت شرکتلری، باش اداره‌لر، ناظیر معاونلیکلری کیمی وظیفه‌لرده ده آذربایجانلی متخصصلرین ایشه جلب اولونماسینین ضروریلیینی وورغولاییب.

قید ائدک کی، مسعود پزشکیانین بیر نئچه تعییناتی آذربایجان‌لیلارین ناراضیلیغی ایله قارشیلاشیب، بونو اولکی حاکمیتلرین سیاستلرینین داوامی کیمی قیمتلندیریبلر.

خاطیرلاداق کی، خصوصاً کئچمیش خارجی ایشلر ناظیری، اصلاحات‌چی کیمی تانینان محمد جواد ظریفین استراتژی مسئله‌لر اوزره معاون سئچیلمه‌سی اعتراضلارا سبب اولوب.