نوروژده یئرلشن و غیری-حکومت تشکیلاتی اولان اینسان حاقلاری تشکیلاتی ایران‌دا پرزیدنت سئچکیلریندن سونرا ایول آییندان بری اؤلکه حبسخانالارین‌دا ۸۷ محبوسون دار آغاجیندان آسیلیب.

Axar.az خبر وئریر کی، بو باره‌ده تشکیلاتین صدری محمد امین مقدم بیلدیریب.

او، همچینین بیلدیریب کی، ایران حکومتی بین‌الخالق اجتماعیتین دقتینی ایران-اسرائیل گرگینلیینه یؤنلتمه‌سیندن سوءایستیفاده ائتمکله کوتلوی شکیل‌ده اعدام حکملری حیاتا کئچیریر. اونون سؤزلرینه گؤره، بین‌الخالق اجتمایت درحال رئاکسییا وئرمه‌سه، قارشی‌داکی آیلاردا یوزلرله محبوس اسلام رسپوبلیکاسینین قتل ماشینینین قربانی اولاجاق.

او، وورغولاییب کی، اؤتن گون تکجه بیر گونده غیری-سیاسی جینایتلرده گناهلاندیریلان ان آزی ۲۰ نفرین اؤلوم حکمو حیاتا کئچیریلیب.

قید ائدک کی، بین‌الخالق عفو تشکیلاتی ۲۰۲۳-جو ایلده ایران‌دا ان آزی ۸۵۳ نفرین اعدام ائدیلمه‌سی ایله باغلی حسابات حاضرلاییب. بو گؤستریجی ایسه ۲۰۲۲-جی ایلله مقایسه‌ده ۴۸% چوخدو