سون ایللر ایران اونیورسیتتلری و مکتبلریندن یوزلرله معلم، مینلرله طلبه قووولوب.

بو پروسس خصوصیله ۲۰۲۲-جی ایلین سنتیابر آییندان باشلایان اعتراض آکسییالاریندان سونرا داهادا سرعتلندیریلیب.

قووولان معلم و طلبه‌لرین اکثریتی اعتراضچیلارا قارشی رپرسییالاری پیسلدیکلرینه گؤره جزالاندیریلیبلار.

مسعود پزشکیان ایسه سئچکی قاباغی تبلیغات و تشویقات کامپانییاسیندا معلم و طلبه‌لرین حقوقلارینین برپاسی ایله باغلی وعدلر وئریب.

او، بیر نئچه گون اول قووولان طلبه و معلملرین تحصیل اوجاقلارینا قایتاریلماسی باره‌ده سرانجام امضالاییب.

آنجاق ایران پرزیدنتینین بو گؤستریشینین یئرینه یئتیریلمه‌سی ممکن اولمایاجاق.

اونا گؤره کی، علم و تحصیل ناظرینی ایران عالی مدنی انقلاب شوراسینین اجازه‌سی اولمادان هئچ بیر آددیم آتا بیلمز.

عالی مده‌نی اینقیلاب شوراسینین ۲۸ عضوونون ایسه ۲۱-نی بیر باشا اؤلکه رهبری علی خامئنئی تعیین ائدیر.

همین شورا هئچ بیر قانون وئریجیلیک صلاحیتینه مالیک اولمادیغی حال‌دا تحصیل و اونیورسیتت ساحه‌سینده قانونلار فورمالاشدیریر.

شورانین اساس پریوریتتی ایسه اونیورسیتت معلملرینین ایدئولوژی باخیمدان علی خامنه‌ای و اونون باشچی‌لیق ائتدیی سیاسته تابع اولمالادیریر.

فرقلی دونیا گؤروشو و یا حاکمیته مخالف هر هانسی سیاسی منصوبیتی اولان معلملر اسلام رسپوبلیکاسی سیستمینین دوشمنی حساب اولونور.

مسعود پزشکیانین گؤستریشیندن درحال سونرا تهران اونیورسیتتی و عللامه طباطبایی اونیورسیتتینین ایکی طلبه‌سینین تحصیلینه قاداغا قویولدو.

بونو ایران عالی مدنی انقلاب شوراسینین پرزیدنته حدینی بیلدیرمک مساژی کیمی ده دیرلندیرمک اولار.

بونونلا یاناشی پزشکیانین مجبوری حجاب قایدالارینین یومشادیلماسی ایله باغلی وعدلرینین ده سؤز اولاراق قالاجاغی گؤرونور.

پرزیدنتین بوتون ادعالی چیخیش و وعدلرینه باخمایاراق، اونون وظیفه‌یه گتیریلمه‌سیندن بو یانا مجبوری حجاب قایدالارینین سرتلشدیریلمه‌سی، حجاب قایدالارینی پوزان قادین و قیزلارا قارشی هجوملار داهادا آرتیب.