ایران‌دا وطنداشلارین شخصی حیاتلارینا مداخیله ائد‌ن ملالارین جزالاندیریلماسی حاللاری آرتیب و بو قبیل‌دن اولان اعتراضلارین داوامیندا رشت شهرینده داها بیر ملا دؤیولوب.

Axar.az خبر وئریر کی، بو باره‌ده یئرلی مئدیا معلومات یاییب.

بیلدیریلیب کی، ۲۳ یاش‌لی تاکسی سوروجوسو رشت شهرینین بؤلگه امام جمعه‌سینی آغیر شکیل‌ده دؤیه‌رک خسته‌خانالیق ائدیب.

گیلان ایالتینین پلیس اداره‌سینین رئیس معاوینی حسین حسنپور فاکتی تصدیقله‌ییب و تاکسی سوروجوسونون حبس ائدیلدیینی بیلدیریب.

یئرلی شاهدلرین سؤزلرینه گؤره، آدی آچیقلانمایان ملا گنجی گئییم طرزینه گؤره تحقیر ائدیب، اوندان اسلامی قایدالارا اویغون گینمه‌سینی طلب ائتدیی اوچون آرالاریندا مباحثه یارانیب.

قید ائدک کی، خصوصاً سون واختلار گنجلرین و قادینلارین گئییم طرزینه مداخیله ائد‌ن حکومت ملا‌لارینین دؤیولمه حاللاری آرتیب.