غربی آذربایجان ایالتینین خوی شهرینین "رازی" گمرک منطقه‌سینین ایشچیلری و اونلارلا البیر اولان شخصلر حبس ائدیلیب.

Axar.az خبر وئریر کی، بو باره‌ده یئرلی مدیا معلومات یاییب.

ایالتین باش حاکمی ناصر عتباتی فاکتی تصدیقله‌ییب و ساخلانیلانلارین عمومی سایینین ۱۶ نفر اولدوغونو دئییب.

او، گمرک ایشچیلرینین قاچاقمالچیلیق، وظیفه‌دن سو-استفاده و رشوت آلماقدا گناهلاندیریلدیقلارینی بیلدیریب.

ساخلانیلانلار محکمه ارگانلارینا تحویل وئریلیب و باره‌لرینده جنایت ایشی آچیلیب.

قید ائدک کی، بین‌الخالق شفافلیق تشکیلاتینین یایدیغی حساباتا اساساً ایران ان چوخ کوروپسییایا اوغرامیش اؤلکه‌لر آراسیندادیر.

حساباتا گؤره، دنیانین ۱۸۰ اؤلکه‌سی آراسیندا کوروپسییایا گؤره ایران ۲۵ باللا ۱۴۷-جی یئرده‌دیر و دنیانین ان کوروپسیالاشمیش اؤلکه‌لریندن بیری حساب اولونور.