روسییا خاریجی ایشلر ناظیرلییینین سؤزچوسو مارییا زاخارووا ایرانین ناراحات‌لیغینی اعتراف ائد‌رک، آذربایجانی ناخچیوانلا بیرلشدیره‌جک زنگزور دهلیزی ایله باغلی روسییانین موقعینین قطعی اولدوغونو بیلدیریب.

Axar.az خبر وئریر کی، بو باره‌ده «فرارو» سایتی یازیب.

سایت بیلدیریب کی، روسییا خین سؤزچوسونون آچیقلامالاریندان سونرا بو اؤلکه‌نین تهران‌داکی سفیری ایران خاریجی ایشلر ناظرلیینه چاغیریلیب و ایرانین بؤلگه‌نین گئوسیاستینین دییشدیریلمه‌مه‌سی ایله باغلی موقعیی بیر داها تکرارلانیب.

خاطرلاداق کی، ایران خاریجی ایشلر ناظرلیینین آوراسییا باش اداره‌سینین رئیسی مجتبی دمیرچیلو روسییا سفیری آلکسئی ددوولا گؤروشونده بیلدیریب کی، قفقازدا اؤلکه‌لرین ملی سوورنلیینه، اراضی بوتولویونه و قارشی‌لیقلی ماراقلارینا حرمت ائدیلیر، آنجاق تهران بین‌الخالق سوییه‌ده تانینان سرحدلرین دییشدیریلمه‌سینه قارشی‌دیر.