گیلان ایالتینین رشت شهرینده یاشایان آذربایجانلی آنا دیلی حرکاتی فعالی ودود اسدی انقلاب محکمه‌سینه چاغیریلیب.

Axar.az خبر وئریر کی، بو باره‌ده او، اؤزونون سوسیال مئدیا حسایندا پایلاشیم ائدیب.

فعالین یازدیغینا گؤره، چاغیریش مکتوبوندا اوندان سنتیابرین ۱۰-او، ساعت ۰۹:۰۰-دا رشت شهرینین انقلاب محکمه‌سینین ۲-جی بؤلمه‌سینه گئتمه‌سی طلب اولونوب.

«حیاتدا اولدوغوم مدتجه حاقسیزلیق و ظلم قارشیسیندا سوسمایاجاغام و محکمه‌ده میللتیمین حقوقلارینی مدافعه ائد‌جه‌یه‌م»، - اسدی یازیب.

قید ائدک کی، ودود اسدی جاری ایلین فورال آیینین ۶-دا تهلکه‌سیزلیک اداره‌سی‌نین مأمورلاری طرفیندن ساخلانیلاراق تهرانین اوین حبسخاناسینین تهلکه‌سیزلیک بؤلمه‌سینه کؤچورولوب.

او، مارتین ۹-دا ۸۰۰ میلیون تومن‌لیک گیروو قارشیلیغیندا موقتی اولاراق محکمه‌یه قدر سربست بوراخیلیب.