گونئی آذربایجانین زنجان شهرینین یانغین‌سؤندورنلری اعتراض آکسییاسی کئچیریبلر.

Axar.az خبر وئریر کی، بو باره‌ده آزاد ایشچیلر بیرلییی معلومات یاییب.

زنجان شهرینین بلدییه‌سی بیناسی قارشی‌سینا توپلاشان ناراضیلار امک حاقلارینین آز اولماسینا، باشقا قانونی طلبلرینین یئرینه یئتیریلمه‌مه‌سینه اعتراض ائدیبلر.

آذربایجانلی یانغین‌سؤندورنلر تهرانلا باشقا ایالتلر آراسیندا امک حاقلاریندا اولان کسکین فرقین بؤلگه‌لرده‌کی ایشچیلره قارشی آیری-سئچکیلیک اولدوغونو بیلدیریبلر.

زنجان بلدییه‌سینین یانغین‌دان محافظه و تهلوکه‌سیزلیک خیدمتلرینین رئیسی امیر کبیری پایتاختلا زنجان یانغین‌سؤندورنلرینین امک حاقلارینین فرقلی اولدوغونو تصدیقله‌ییب.

"امک حاقلارینین معیین‌لشدیریلمه‌سی مسئله‌سینده تهرانین اؤز قایدالاری وار و بیز بو مسئله‌ده هئچ نه ائده بیلمریک"،- او، قید ائدیب.