تبریز شهر شوراسی‌نین عضوو فریدون بابایی اقدم تبریزین تاریخی گولوستان باغینین آغاجلارینین قیریلماسینا اعتراض ائتدیینه و مسئله‌نی اجتیماعی‌لشدیردیینه گؤره تهلوکه‌سیزلیک اداره‌سی‌نین امکداشلاری طرفیندن تهدید ائدیلیب.

Axar.az خبر وئریر کی، بو باره‌ده او، ازونون سوسیال مئدیا حسابیندا پایلاشیم ائدیب.

"هده-قورخولار، باره‌مده جنایت ایشینین آچیلماسی شهریمین منافعی، تاریخی و کیملیینین قورونماسی اوغرونداکی اراده‌می سارسیدا بیلمه‌یه‌جک"،- بابایی بیلدیریب.

او، بونونلا یاناشی سوسیال مئدیادا ویدئو مراجعت یاییب و عائله‌سینین ده تهدید و تضییقلره معروض قالدیغینی دئییب.

فریدون بابایی اقدم بیلدیریب کی، بوتون بو تضییقلره باخمایاراق، گلستان باغینین محو ائدیلمه‌سینین دایاندیریلماسی، داغیدیلان حیصه‌نین برپاسی و اورادا تهلوکه‌سیزلیک اداره‌سینه تیکیلمه‌سی نظرده توتولان بینانین لغو ائدیلمه‌سینه کیمی مبارزه‌سینی داوام ائتدیره‌جک.

قید ائدک کی، بیر نئچه گون اول تبریز بلدییه‌سی گلستان باغی اراضی‌سینین ۱۰۰۰ کوادرات مترینی تهلوکه‌سیزلیک اورگانلاریندان بیرینین اختیارینا وئریب. بوندان سونرا تاریخی پارکدا آغاجلار کسیلیب و یاشیللیق زولاغینین محو ائدیلمه‌سینه باشلانلیب.