بیر مدت اول یاغینتیلار و بندلردن آز مقدارا ایللیک سو پایینین وئریلمه‌سی سببیندن جزعی شکیلده جانلانان اورمییا گؤلو سنتیابر آیینین ۱۷-ده تمامیله قورویوب.

Axar.az خبر وئریر کی، بو باره‌ده ایرانین اعتماد قزئتی معلومات یاییب.

"بو حادثه رئگیونون اکولوژی بحرانینی کسکینلشدیرمکله یاناشی، گؤلون اطرافینداکی اراضیلرده یاشایان ۵ میلیون انسانین ساغلاملیغی اوچون جدی تهلوکه یارادیر"،- معلومات‌دا بیلدیریلیب.

بوندان اؤنجه اکولوگ‌لار اورمییا گؤلونون تمامیله قورویاجاغی باره‌ده خبردارلیق ائتسه‌لر ده، علاقه‌دار دولت قوروملاری بونون دوغرو اولمادیغینی ادعا ائتمیشدیلر.

ایران پرزیدنتی مسعود پزشکیان ایسه سئچکی قاباغی تبلیغات و تشویقات کامپانییاسیندا اساس هدفلریندن بیرینین اورمییا گؤلونون برپاسی اولدوغونو بیلدیرمیشدی.

اونون پرزیدنت سئچیلدییندن بو گونه کیمی گؤلون برپاسی ایله باغلی هر هانسی آددیم آتیلمایب، برپا ایشلری ایسه دایاندیریلیب.

قید ائدک کی، اورمو گؤلونون مینیموم اکولوژی سو حجمی ۱۵ میلیارد کوب‌متر (مترمکعب)، ماکسیموم اکولوژی سو حجمی ایسه ۳۰ میلیارد کوب‌متر، مینیموم اکولوژی ساحه‌سی ایسه ۴۶۳۵ کوادرات کیلومتر اولمالیدیر.