لیوان حزبوللاه-نین رهبری حسن نصروللاه اؤلدورولمه‌میشدن بیر نئچه گون اول ایران رهبری علی خامنه‌ای اونون حیاتینین تهلوکه‌ده اولماسی ایله باغلی خبردارلیق ائدیب و نصروللاهین لیواندا چیخماسینی ایسته‌ییب.

Axar.az خبر وئریر کی، بو باره‌ده "رویترز" اوچ ایران منبع‌سینه استنادا معلومات یاییب.

"علی خامنه‌ای ایندی ده موساد-ین ایران حکومتی و تهلوکه‌سیزلیک قوروملارینن یوخاری قاتلارینا نفوذ ائتمه‌سیندن ناراحات‌دیر"،- معلومات‌دا یازیلیب.

بیلدیریلیب کی، ۱۷ سنتیابردا حزبوللاه عضولرینه مخصوص پیجرلرین پارتلاماسیندان سونرا خامنه‌ای حسن نصروللاهین یانینا خصوصی نماینده گؤندره‌رک حیاتینین تهلوکه‌ده اولدوغونو دئییب.

"رویترز" آدی آچیقلانمایان ایران منبع‌سینه استنادا بیلدیریب کی، خامنه‌ایینین مئساژینی حسن نصروللاها سئپاه گنرالی عباس نیلفوروشان چاتدیریب.

قید ائدک کی، عباس نیلفوروشان اسرائیلین حسن نصروللاهین گیزلندیی سیغیناجاغا ائندیردیی هوا ضربه‌لری نتیجه‌سینده اونونلا بیرگه هلاک اولوب.