یوخاری

روسیا و ایران اویوندان چیخیر، یئرینه تورکیه گلیر! - آنانیو

آنا صحیفه توپلوم
12 Punto 14 Punto 16 Punto 18 Punto
روسیا و ایران اویوندان چیخیر، یئرینه تورکیه گلیر! - آنانیو

آمریکا مرکزی کشفیات اداره‌سینینن (سیا) شفی اویلیام بؤرنسون ارمنستانا گیزلی سفریندن سونرا پاشینیانین خارجی سیاست ریتوریکاسی و داورانیشلاری ۱۸۰ درجه دییشدی. بیز سندلره دقت ائتملیییک. ارمنستان حاکمیتینین خارجی سیاستی تمامیله آمریکا دولت دپارتامنتینین ۲۰۲۲-جی ایلین ۴ مای تاریخینده پاشینیانا تقدیم ائتدیی استراتگییا چرچیوه‌سینده‌دیر. بو سند «ارمنستانین اینتگراسیا استراتگییاسی» آدلانیر.

Axar.az خبر وئریر کی، بو باره‌ده روسیا خارجی ایشلر ناظیرینین کئچمیش باش مشاوری آلکساندر آنانیو دئییب.

اونون سؤزلرینه گؤره، ۲۰۲۲-جی ایلین یایینا قدر پاشینیانین غرب وکتورو گیزلی ایدی:

«یادیم‌دادیر، پاشینیان فوروملارین بیرینده چیخیشی زمانی ۲۰ دقیقه عرضینده ۹ دفعه روسیایا و ولادیمیر پوتینه تشکر ائتدی. ۲۰۲۲-جی ایلین یاییندان باشلایاراق، داها دقیق دئسک، جیا شفی بؤرنسون ایولون ۱۵-ده ایروانا گیزلی سفریندن سونرا هر شئی آچیق موستوییه کئچدی. همین گؤروشدن سونرا پاشینیانا ارمنستان خاریجی سیاستینی دییشمک گؤستریشی وئریلیب. یعنی ۲۰۲۲-جی ایلین آوگوست آیین‌دان اعتباراً ارمنستانین آتدیغی بوتون آددیملار آمریکا دولت دپارتامنتینین دیرکتیوینین اجراسی اولوب. بو دیرکتیوین اساس پوستولاتی اوندان عبارت‌دیر کی، ارمنستان روسیادان اوزاقلاشمالیدیر، جنوبی قفقازدا تهلوکسیزلیین تأمینات‌چی‌سی دا تورکییه اولمالیدیر»، - روسیالی دیپلمات ادعا ائدیب.

آنانئو ادعاسینی بئله داوام ائتدیریر کی، آمریکا بؤلگه‌ده اوچ اساس اویونچودان ایکی‌سینی – روسیا و ایرانی چیخارماق، بیرینی – تورکییه‌نی ساخلاماق نیتینده‌دیر:

«روسیا و ایران اویوندان چیخاندان سونرا اونون یئرینی آمریکا، یاخود فرانسا دئییل، محض تورکییه توتاجاق. پاشینیان بونو بیلدیی اوچون بوتون تدبیرلرده اردوغانلا دانیشماغا چالیشیر».

تاریخ
2024.10.14 / 20:38
مولف
Axar.az
دیگر خبرلر

ایران پلیسی ملکی شخصی گوله‌له‌دی

زنجان‌دا چؤرک ساتیشینا لیمیت قویولدو

عراقچی عمان‌لی همکاری له دانیشدی

ایران ترامپین کومان‌داسینا هوجوم ائد‌جک

اوکراینا خزرده روس گمیلرینی پارتلاتماق ایستییرمیش

ایران‌دا بو قدر قادین حجاب‌سیزدیر- ضرغامی

ایران‌دا داها اوچ بهایی حبس ائدیلدی

ایران‌دا یئددی آیدا ۸۴ قادین اؤلدورولدو

همدان‌لی تقاعدچولر یئنی‌دن آکسیا کئچیردیلر

دنیا و آذربایجان نیه یاشیل انرژینی سئچیر؟ - ویدئو

خبر خطّی
Axar.az'da reklam Bağla
Reklam
Bize yazin Bağla