اسرائیلین مدافعه ناظری یواو گاللانتین وظیفه‌سیندن اوزاقلاشدیریلماسی و اسرائیل کاتسین (کئچمیش خاریجی ایشلر ناظری) یئنی مدافعه ناظری تعیین ائدیلمه‌سیندن سونرا گیدئون سایر یئنی خاریجی ایشلر ناظری وظیفه‌سینه گتیریلیب.

Axar.az خبر وئریر کی، یئنی خارجی ایشلر باشچی‌سی اصلاً اورتا آسییادان‌دیر.

او، ساغچی لیکود پارتییاسینین کئچمیش عضوو و «تیکفا هاداشا" (یئنی اومید) پارتییاسینین یارادیجی‌سیدیر.

گیدئون سایر، ۲۰۰۹-۱۳-جو ایللرده تحصیل ناظری، ۲۰۱۳-۱۴-جو ایللرده داخی‌لی ایشلر ناظری، ۲۰۲۱-جی ایلده باش ناظرین معاوینی و ۲۰۲۱-۲۰۲۲-جی ایللرده عدلیه ناظری وظیفه‌لرینی اجرا ائدیب.

یئنی خاریجی ایشلر ناظری ۲۰۱۳-جو ایلده تحصیل ناظری اولدوغو زمان اسرائیل‌ده تحصیلین انکشافی و س. یهودی دیاسپورونا تحصیل خدمتلری گؤستردیینه گؤره، "بخارا" یهودیلری طرفیندن ایلین آدامی سئچیلیب.

قید ائدک کی، گیدئون سایرین آناسی اورتا آسیادان اسرائیله مهاجیرت ائدیب.

اورتا آسییا یهودیلری ۱۶-جی عصرده بخارا امیرلیینه تابع اولدوقلاری اوچون اونلارا "بخارا" یهودیلری دئییلیب و بو ایندی ده ایشلدیلیر.

اورتا آسییادا یاشایان "بخارا یهودیلری"نین سایی ۱۸۰ مین نفر جواریندا اولوب، اونلارین اکثریتی خزرلر ایمپرییاسی دورونده یهودیلییی قبول ائتمیش تورکلردیر.

آرالاریندا آز سایدا غیری-تورکلرینده اولدوغو "بخارا یهودیلری"نین چوخو سووئتلر بیرلییی داغیلدیقدان سونرا اسرائیل و آمریکایا مهاجیرت ائدیبلر.