آذربایجانین مدافعه ناظری ژنرال-پولکوونیک ذاکیر حسن‌او ۸ نویابر - ظفر گونو مناسبتیله آذربایجان اوردوسونون شخصی هئیتینی تبریک ائدیب.

Axar.az خبر وئریر کی، متنده اؤلکه‌نین سووره‌نلیی‌نین، مدافعه و تهلوکسیزلیینین تأمیناتچیسی اولان آذربایجان اوردوسون‌دا واحید کوماندانلیغین یارادیلماسی، اوردونون نظامی اوردو کیمی فورمالاشماسی و حربی قوروجولوق مسئله‌لرینین پریوریتئت مسئله کیمی اؤنه چکیلمه‌سی اولو اؤندر حیدر علیئوین بو استقامتده آتدیغی جسارتلی آددیملارینین نتیجه‌سی‌دیر:

"عموم‌میللی لیدرین لاییقلی داوامچیسی، آذربایجان رسپوبلیکاسینین پرزیدنتی، سلاحلی قوه‌لرین علی باش کوماندانی ایلهام علیئوین رهبرلییی آلتیندا رسپوبلیکانین مدافعه گوجونون آرتیریلماسی استقامتینده قازانیلان نائیلیتلر، اوغورلو دؤیوش عملیاتلاری شخصی هئیتین غلبه عزمینی داها دا محکم‌لندیردی و ۸ نویابر - ظفر گونو آذربایجانین حرب تاریخینه قیزیل حرفلرله یازیلدی. مظفر عالی باش کوماندانین رهبرلییی آلتیندا ۴۴ گونلوک وطن محاربه‌سینده رشادتلی آذربایجان اوردوسو اشغال آلتیندا قالمیش تاریخی تورپاقلاریمیزی آزاد ائتدی. اؤلکه باشچیسی‌نین مودریک و اوزاق‌گؤره‌ن سیاستی، اوردوموزون گوجو سایه‌سینده آذربایجانین اراضی بوتؤولویو، سوو‌ئرنلییی تام تامین ائدیلدی".

تبریک‌ده قید اولونوب کی، بو گون آذربایجان اوردوسو دولت بایراغینین دالغالاندیغی اراضیلرده برپا-قوروجولوق ایشلرینین یوکسک سوییه‌ده حیاتا کئچیریلمه‌سینه، او جمله‌دن بؤیوک قاییدیشا لاییقلی تهفه وئریر:

"امینم کی، آذربایجان کونستیتوسییاسینا، حربی آندا و نظامنامه‌لره دایم صادق قالاراق دؤیوش و معنوی-پسیکولوژی حاضیرلیغینیزی گوجلندیره‌جک، خدمتینیزده یئنی اوغورلار الده ائتمک اوچون سعی و باجاریقلارینیزی داها دا آرتیراجاقسینیز".