تهراندا یاشایان آذربایجانلی اطراف محیط فعالی و حاضردا دماوند حبسخاناسیندا ساخلانیلان افشین نذیری آغیر جینایتلر تؤرتمیش محبوسلارلا عینی بؤلمه‌ده ساخلانیلیر.

Axar.az خبر وئریر کی، بو باره‌ده انسان حاقلاری فعاللاری معلومات یاییب.

بیلدیریلیب کی، نذیری باره‌ده محکوملارین جینایتلرینه گؤره تصنیفاتلاندیریلماسی قانونو اجرا ائدیلمه‌ییب و اونون جینایت تؤرتمیش محکوملارلا عینی یئرده ساخلانیلماسی آذربایجانلی محبوسا قارشی تضیق واسطه‌سی‌دیر.

افشین نذیری اوکتیابرین ۲۸-ده تهران ایالتی‌نین پردیس شهری محکمه‌سینین محکمه قرارلاری‌نین اجراسی بؤلمه‌سینه چاغیریلیب و ساخلانیلاراق دماوند حبسخاناسینین تک‌آداملیق کامراسیندا ساخلانیلان آذربایجانلی فعال داها سونرا عمومی بؤلمه‌یه کؤچورولوب.

قید ائدک کی، اطراف محیط فعالی ۲۷ آوگوست ۲۰۲۳-جو ایلده حبس ائدیله‌رک تهرانین ائوین حبسخاناسینا کؤچورولموش، ۱۲ گون دیندیریلدیکدن سونرا ۸۰۰ میلیون تومن گیروو قارشیلیغیندا موقتی اولاراق محکمه‌یه قدر سربست بوراخیلمیشدی.

افشین نذیری "حکومته قارشی تبلیغات"، "رهبری تحقیر ائتمک" و "اؤلکه‌ده میللی تهلوکه‌سیزلییه ضربه وورماق ایسته‌ین گروپلارا عضو اولماق" اتهاملارینا گؤره، ۴ ایل ۹ آی حبس جزاسینا محکوم ائدیلیب.