جاری ایلین سئنتیابر آییندا ارمنی اصللی ایوردانییالی رژیسور سارین هایراپتیانین چکدیی «منیم شیرین تورپاغیم» آدلی فیلمینین «ان یاخشی خارجی فیلم» نومیناسییاسی اوزره «اسکار» مکافاتینا تقدیم ائدیلمک اوچون سئچیلمه‌سینه باخمایاراق، فیلمین آذربایجانین اراضی بوتؤولویو و سووئرنلیینه قارشی اولدوغو نظره آلیناراق، آذربایجان طرفینین ناراحاتلیغی درحال ایوردانییا طرفینه چاتدیریلیب.

Axar.az خبر وئریر کی، بونو خارجی ایشلر ناظیرلیینین مطبوعات کاتبی آیخان حاجی‌زاده ایوردانییا طرفینین ارمنی‌اصیللی رژیسورون آذربایجان علیه‌اینه چکدیی فیلمی «اسکار» نومیناسییاسیندان گئری گؤتورمه‌سی ایله باغلی مدیانین سوالینا جوابیندا دئییب.

«ارمنی طرفینین ادعاسینین عکسینه، بورادا هر هانسی بیر تضییقدن صحبت گئده بیلمز. محض ایوردانییا کرال فیلم کمیسیاسینین مستقل شکلده قبول ائتدیی قرار نتیجه‌سینده فیلم سوندا «اسکار» مکافاتینا تقدیم ائدیلمه‌ییب و ایوردانییادا فیلمین نمایشی دایاندیریلیب»، - حاجی‌زاده بیلدیریب.

خارجی ایشلر ناظیرلیی رسمی‌سی ایوردانییا طرفینین بو قرارینی آلقیشلادیقلارینی قید ائدیب.