ایلون ماسک، ایرانین بیرلشمیش میلتلر تشکیلاتینداکی سفیری امیر سعید ایروانی ایله گؤروشوب و اونونلا تهران و واشینگتن آراسیندا گرگینلیین آزالدیلماسی یوللارینی مذاکره ائدیب.

Axar.az خبر وئریر کی، بو باره‌ده نیویورک تایمز آدی آچیقلانمایان ایکی ایران رسمی‌سینه استنادا معلومات یاییب.

معلوماتا گؤره، ایلون ماسکین ایسته‌یی ایله باش توتان بو گؤروش بیر ساعتدان چوخ داوام ائدیب و ایروانی‌نین سئچدیی گیزلی بیر یئرده کئچیریلیب.

نیو یورک تایمس-آ معلومات وئره‌ن ایرانین بو ایکی رسمیسی ایلون ماسک و ایروانی آراسیندا کئچیریلن گؤروشو «مثبت» و «خوش خبر» کیمی قیمتلندیریبلر.

ایلون ماسک قزئتین گیزلی گؤروشله باغلی سئواللارینی جوابلاندیرماییب.

خبرین درجیندن سونرا ایراندا دموکراتییا اوغروندا ملی بیرلیک بیانات یایاراق ایلون ماسکین ایران نماینده‌سی ایله گؤروشونو تنقید ائدیب.

"ایلون ماسک دنیادا دولت ترروریزمینین ان بؤیوک دستکچیسی اولان بیر حکومتین نماینده‌سی ایله دئییل، ایران خالقینین رئال نماینده‌لری ایله گؤروشمه‌لی و اونلارین استارلینک اینترنتینه چیخیش یوللارینی تاپمالیدیر"،- بیانات‌دا بیلدیریلیب.

بیانات مؤلفلری ایران حکومتینی یاخین شرقین قصابی آدلاندیریب، تهران رژیمینین ایران داخیلینده X پلاتفورماسینین قاداغان ائدیلدیینه و دونالد ترامپا سو-قصد جهدلرینه دقت چکه‌رک، ایران رسمیلرینین آمریکانین ملی تهلوکه‌سیزلییی و اقتصادیاتینا تهدید اولدوغونو خاطیرلادیبلار.