تبریزین وادی-رحمت قبرستانلیغیندا ۱۵ نویابر ۲۰۲۲-جی ایلده (۲۵ آبان ۱۴۰۱) اعتراض آکسییاسیندا حکومت مأمورلاری طرفیندن اؤلدورولن آذربایجانلی طلبه آیلار حقی‌نین آنیم مراسیمی کئچیریلیب.

Axar.az خبر وئریر کی، مراسیمه چوخ سایدا انسان توپلاشیب.

آنیم مراسیمینده آیلار حقی‌نین والیدینلری، عائله عضولری، قوهوملاری ایله یاناشی چوخ سایدا شخص ده اشتراک ائدیب، اونون مزاری اوزرینه اکلیللر و چلنگلر قویولوب.

قئید ائدک کی، تبریزین طب اونیوئرسیته‌سینین طلبه‌سی آیلار حقی ۲۰۲۲-جی ایلین نویابر آییندا تبریزده کئچیریلن اعتراض آکسییاسی زامانی اؤلدورولوب.

طلبه یولداشلاری و حکیم امکداشلاری ایله بیرگه آکسییایا قوشولان آیلار حقی پلیس و تهلوکه‌سیزلیک مامورلاری‌نین هجوموندان قورونماق اوچون یاخینلیقداکی بینالاردان بیرینه سیغینیب.

بینایا داخیل اولان مامورلار آیلار حقی‌نی اورادان یئره آتاراق اؤلدوروبلر.

حادثه شاهیدلری و حقی‌نین یاخینلاری بینادان آتیلمادان اول اونون باشیندان گوله‌له‌لندیینی بیلدیریبلر.

مسئله‌نین اجتماعی‌لشدیریلمه‌مه‌سی اوچون آیلار حقی‌نین عائیله‌سینه تضییق گؤستریلیب، اونون میتی ایکی گون سونرا تحویل وئریلیب.