۲۵۰ میلیون ایلده‌ن سونرا یئر پلانتینین بوتون قیطعه‌لری بیرلشه‌رک عمومی بیر سوپر-قیطعه تشکیل ائد‌جک، اونون سطحینین جمعی ۸-۱۶ فایزی حیات اوچون یارارلی اولاجاق.

Axar.az خبر وئریر کی، بو باره‌ده عالیملرین گلدیی قناعتی «ناتور گئوسایس» ژورنالی یاییب.

یئنی یارانان سوپر-قیطعه «پانگئا-اولتیما» آدلاناجاق. همین مگا تورپاغین ایقلیمی خیلی دییشه‌جک. بو، ممه‌لیلرین، او جمله‌دن اینسانلارین موجودلوغو اوچون سون درجه چتین شرایط یاراداجاق.

پانگئا-اولتیمادا هاوانین تمپراتورو ۴۰-۵۰ درجه، بعضی اراضیلرده ۷۰ درجه‌یه‌دک ایستی تشکیل ائد‌جک. بونون سببی بعضی قورو ساحه‌لرین اوکیان‌دان چوخ اوزاق اولماسی‌دیر. بوندان علاوه، گونش آکتیولییی ۲،۵ فایز آرتاجاق کی، بو دا پلانتین «ایستیله‌شمه‌سینی» گوجلندیره‌جک. ولکانیک آکتیولیک ده آرتاجاق و نتیجه‌ده آتموسفرده کاربون گازینین مقداری چوخالاجاق.

ایستر ساحل یانی اراضیلر، ایسترسه ده قطب زونالاری حیات اوچون الوئریشلی اولاجاق و بشریت، اگر او دوره هله ده قورونوب ساخلانیلیرسا، یئنی یاشاییش شرایطینه اؤیرشمه‌لی اولاجاق.