نوامبرین ۱۹-دا حبس ائدیلن تبریزلی اجتماعی فعال و سیاسی محبوس یاشار تبریزی‌نین طالعی و هارادا ساخلانیلدیغی باره‌ده معلومات وئریلمیر.

Axar.az او باره‌ده اینسان حاقلاری تشکیلاتلاری اونون عائله عضولرینه استینادا معلومات یاییب.

"یاشار تبریزی سپاه-ین تبریزده‌کی کشفیات بؤلمه‌سینه چاغیریلدیقدان سونرا اونون هارادا ساخلانیلدیغی، وضعیتی و اتهاملاری باره‌ده معلومات آلا بیلمه‌میشیک. بو، اونون صحتی ایله باغلی نیگرانچیلیغیمیزی داهادا آرتیریب"،- اونون یاخینلاری بیلدیریبلر.

خاطیرلاداق کی، نوامبرین ۱۲-ده تهلوکه‌سیزلیک مأمورلاری محکمه حکمو اولمادان تبریزلی فعالین ائوینه باسقین ائدیب، آختاریش آپاریب و اونون شخصی اشیالارینی مصادره ائدیب و اوندان نوامبرین ۱۹-دا سپاه-ین کشفیات بؤلمه‌سینه گئتمه‌سینی ایسته‌ییبلر.

تهلوکه‌سیزلیک مأمورلاری بوندان اول ۱۴ سپتامبر ۲۰۲۳-جو ایلده ده یاشار تبریزینی حبس ائد‌رک تهلوکه‌سیزلیک اداره‌سی‌نین استنطاق تجریدخاناسینا آپاریبلار.

بیر نئچه گون دیندیریلدیکدن سونرا تهرانین اوین حبسخاناسی‌نین ۲۰۴ سایلی تهلوکه‌سیزلیک بؤلمه‌سینه کؤچورولن آذربایجانلی فعال ۲۵ آوریل ۲۰۲۴-جو ایلده گیروو قارشیلیغیندا موقتی اولاراق محکمه‌یه قدر سربست بوراخیلیب.

او، "حکومته قارشی تبلیغات"دا گوناهلاندیریلیب و باره‌سینده ۱ ایل حبس قراری چیخاریلیب.

یاشار تبریزی دینج اجتماعی و مدنی فعاللیتلرینه گؤره بیر نئچه دفعه حبس ائدیلیب.