آذربایجان آویاسیا تاریخین‌ده باش وئرن ان آغیر طیاره قزاسین‌دان ۲۹ ایل اؤتور.

Axar.az خبر وئریر کی، ۱۹۹۵-جی ایل دکابرین ۵-ده «آذربایجان هوا یوللاری»نا (آزال) مخصوص گؤیرته‌سینده ۷۶ سرنیشین و ۶ هئیت عضوونون اولدوغو ۵۶ سایلی "نخچیوان-باکی" ریسی ایله اوچان تو-۱۳۴ب تیپ‌لی سرنیشین طیاره‌سی هوایا قالخدیق‌دان بیر قدر سونرا، ساعت ۱۸:۰۰ راده‌لرین‌ده قزایا اوغراییب.

بو، آذربایجانین آویاسییا تاریخینه ان دهشت‌لی قزا کیمی دوشوب.

معلوماتا گؤره، هوایا قالخان طیاره ۶۰ متر هوندورلوک و ساعت‌دا ۳۱۷ کم سرعت ییغدیق‌دان سونرا محریکلردن بیرینده پروبلئم اولدوغو آشکار ائدیلیر. سول محریکین سیرادان چیخماسینا باخمایاراق، گؤیرته مهندیسی سهوه‌ن ساغ محریکی سؤندورور.

پیلوت ایسه طیاره ۱۹۷ متر هوندورلوک‌ده اولارکه‌ن قزا ائنیشی باره‌ده قرار قبول ائدیر. سرعتی ساعت‌دا ۲۹۰ کم-ا دوشه‌ن طیاره یاشاییش بینالارینین اولدوغو ساحه ایله اوز-اوزه گلیر. پیلوتلار دهشت‌لی فلاکت‌دن یایینماق اوچون ۳۷ درجه بوجاق آلتین‌دا طیاره‌نی ساغ طرف‌ده‌کی آچیق ساحه‌یه یؤنلتمه‌یه چالیشیرلار.

لاکین اونلارین بو جه‌دی قزادان خلاص اولماغا کیفایت ائتمیر و ناخچیوان شهری ختای محله‌سین‌ده‌کی (سووئتاباد) شوملانمیش ساحه‌یه دوشن طیاره یوکسک گرگین‌لیک‌لی الکتریک خطلرینه توخوناراق آلیشیر. قزا نتیجه‌سین‌ده گؤیرته‌ده اولان ۸۲ نفردن ۴-او هئیت عضوو اولماقلا، ۵۲ نفر هلاک اولور.