بریتانییا، فرانسا و آلمانیا بیرلشمیش ملتلر تشکیلاتینین تهلوکه‌سیزلیک شوراسینا گؤندردیکلری مکتوب‌دا قید ائدیبلر کی، لازیم گلرسه، اسلام رسپوبلیکاسینین نووه سلاحینا صاحب اولماسینین قارشی‌سینی آلماق اوچون تتیک مکانیزمینی ایشه سالماغا و تهرانا قارشی بوتون بین‌‌الخالق سانکسییالاری برپا ائتمه‌یه حاضردیرلار.

Axar.az خبر وئریر کی، بو باره‌ده آدی چکیلن اؤلکه‌لرین ب.ام.ت-دکی سفیرلری معلومات یاییبلار.

"ایران دانیشیقلارین و دیپلماتیک حل یوللارینین فایدالی ایرلیلییشی اوچون الوئریشلی سیاسی محیط یاراتماق اوچون نووه فعالیتلرینی آزالتمالی‌دیر"،- مکتوب‌دا بیلدیریلیب.

قید ائدک کی، تتیک مکانیزمی تهلوکه‌سیزلیک شوراسینین ۲۲۳۱ سای‌لی قطعنامه‌سینین متنین‌ده قید اولونان بیر مکانیزم‌دیر و ۲۰۰۶-جی ایلده قبول ائدیلسه ده اجرا اولونمایان بو مکانیزم، ایران نووه مسئله‌لری باره‌ده عهده‌لیکلرینی یئرینه یئتیرمکدن امتنا ائدرسه، ب.ام.ت-نین تهلوکه‌سیزلیک شوراسینین بوتون سانکسییالارینی گئری قایتارماق امکانینی تعمین ائدیر.