تبریز حبس‌خاناسیندا ساخلانیلان اجتماعی فعال یاشار تبریزی ایشگه‌نجه ائدیلیب و صحتینده جدی پروبلملر یارانیب.

Axar.az خبروئریر کی، بو باره‌ده اونون عائله‌سی معلومات یاییب.

"یاشار ۳۳ گون خبرسیزلیکدن سونرا دکابرن ۲۲-ده قیسا تلفن علاقه‌سی ساخلایاراق حبس‌خانادا فیزیکی و پسیخی (روانی) ایشگنجه‌لره معروض قالدیغینی بیلدیریب"،- معلومات‌دا دئییلیر.

اونون یاخینلاری‌نین حبسخاناداکی منبع‌لره استنادا بیلدیردیینه گؤره، اجتماعی فعال ایشگه‌نجه ائدیلمه‌سینه اعتراض اولاراق قورو آجلیق آکسییاسی کئچیریب.

گونلرله آجلیق ائد‌ن یاشار هوشونو ایتیردیکدن سونرا حبسخانانین طب منطقه‌سینه کؤچورولوب.

آذربایجانلی فعالین عائله‌سی بیلدریب کی، اونون حیاتینا گؤره، تبریز حبسخاناسی‌نین رهبرلییی و ایران محکمه سیستمی مسئولیت داشیییر.

نویابرین ۱۲-ده تهلوکه‌سیزلیک مأمورلاری محکمه حؤکمو اولمادان تبریزلی فعالین ائوینه باسقین ائدیب، آختاریش آپاریب و اونون شخصی اشیالارینی مصادره ائدیلر.

قئید ائدک کی، سون دفعه نویابرین ۱۹-دا حبس ائدیلن اجتماعی فعال و سیاسی محبوس یاشار تبریزی، بوندان اول ده بیر نئچه دفعه محکوملوق دؤورو یاشاییب.

او، "ملی تهلوکه‌سیزلییه ضربه وورماق" و "خارجی اؤلکه‌لرله علاقه قورماق"دا گوناهلاندیریلیر.