اوکراینا هوا یوللارینا مخصوص بوینگ-۷۵۲ طیاره‌سین سپاه طرفین‌دن تهران سماسین‌دا وورولماسینین ایلدؤنومودور.

Axar.az خبر وئریر کی، طیاره ۲۰۲۰-جی ایل یانوارین ۸-ده وورولوب.

۱۷۶ سرنیشینی اولان طیاره، هوایا قالخدیق‌دان قیسا مدت سونرا تهران سماسین‌دا ایکی راکتله وورولوب و بوتون سرنیشینلر هلاک اولوب.

طیاره‌نین وورولماسیندان سونرا تهران مسئله‌نی اؤرت-باسدیر ائتمه‌یه، طیاره‌نین تکنیکی ناسازلیق سببین‌دن قزایا اوغرادیغینی دئمه‌یه چالیشیب.

آنجاق بین‌الخالق تضییقلر نتیجه‌سینده تهران، هوا گمی‌سینین سپاه ترور تشکیلاتی طرفین‌دن وورولدوغونو قبول ائتمه‌یه مجبور اولوب.

طیاره قربانلارینین بیر نئچه‌سی کانادادا یاشایان ایران‌لی اولسا دا، اکثریتی کانادا و اوکراینا وطنداشلاری اولوب. بئله کی، قربانلارینین ۵۵ نفری کانادا، قالانلاری ایسه اوکراینا، ایسوچ، بریتانیا، آلمانیا و افغانیستان وطنداشلاریدیر.