ایرانین ماراقلارینا قارشی هجومون ان چوخ احتمال اولونان سناریسی سیونیک اوزریندن «زنگزور دهلیزی سیونیک مارشروتو» آدلان‌دیریلان مارشروتون آچیلماسی و یا بیرباشا ارمنستانا هجومو نظرده توتور.

Axar.az خبر وئریر کی، بو ادعا ایله سرگئی ملکونییان و مهدی سیف تبریزی "ایرنا" خبر آگنتلیینه گئنیش مصاحیبه‌لرینده چیخیش ائدیبلر.

"بو سناری ایکی سببه گؤره واجیبدیر. بیرینجی‌سی، بئله بیر عملیات ایرانلا بیرباشا قارشی‌دورمادان یاراتمیر و تهرانین جلد رئاکسییا وئرمه احتمالینی آزالدیر. سوریادا اولدوغو کیمی، ایرانین دا فعالیت امکانلاری بو حادثه‌لرین اونون بیلاواسطه اراضی‌سیندن کنار بیر اؤلکه‌ده باش وئرمه‌سی ایله محدودلاشیر"،- اونلار بیلدیریبلر.

اکسپرتلر ادعا ائتدیکلری حربی عملیاتین سوریادا اسده قارشی کئچیریلن عملیات کیمی سرعتلی و قیسامدت‌لی اولاجاغینی ادعا ائدیبلر.

"اساس مقصد ارمنستانا ماکسیموم زیان وورماق و بو اؤلکه‌نین اوزون مدت‌لی مقاومتینین قارشی‌سینی آلاراق اونو ضعیفلتمک‌دیر. چوخ گمان کی، بئله بیر عملیاتی بیر نئچه گون عرضین‌ده تماملاماماق اوچون گوجلو قوه‌لر و رسورسلار جلب ائدیله‌جک. بو عملیات مدلینین حیاتا کئچیریلمه‌سی خاریجی آکتورلارین رئاکسییا وئرمه‌سی اوچون موجود واختی مینیموما ائندیره‌جک. تورکییه و آذربایجان رسپوبلیکاسینین ۲۰۲۳-جو ایلین سنتیابرین‌دا اوچونجو قاراباغ محاربه‌سینده بو جور عملیات تجروبه‌سی وار"،- اکسپرتلر دئییبلر.

اونلارین ادعاسینا گؤره، بونونلادا آذربایجان زنگزور دهلیزینی آچماقلا یاناشی ارمنستانی قربی آذربایجان اجماسی ایله دانیشیقلارا مجبور ائتمه‌یه چالیشاجاق.

حکومت اکسپرتلری آذربایجانین ادعا ائتدیکلری حرکتینین قارشی‌سینی آلماق اوچون ایرانین ممکن آددیملارینی دا پروگنوزلاشدیریب و تکلیف ائدیبلر:

"تهران جنوبی قفقازداکی وضعیتی مذاکیره ائتمک، ممکن نگاتیو تندنسییالاری نظردن کئچیرمک و خبردارلیق ائتمک اوچون ۳+۳ فورماتین‌دا تعجیلی گؤروش طلب ائده بیلر. ۲۰۲۲-جی ایلین سنتیابرین‌دا اؤلکه‌نین شمال-غرب بؤلگه‌لرینده‌کی حربی فعالیتی و مانورلرینه بنزر یئنی حربی تعلیملرین شمال سرحدین‌ده کئچیریله بیلر. باکی و اونون متفیقلرینین گوج تطبیقینی محدودلاشدیرماق اوچون ایران سیتونیک‌ده و ارمنستانین هجوما معروض قالا بیله‌جک دیگر اراضیلرینده دیپلماتیک فعالیتینی آرتیرا بیلر".

قید ائدک کی، سرگئی ملکونییان ارمنستان سیاسی آراشدیرمالار اینستیتوتونون باش علمی ایشچی‌سی، ایران و روسیا مسئله‌لری اوزره اکسپرت. ارمنستان دولت اونیورسیتتینین فخری پروفسورودور. او، ۲۰۲۰-۲۰۲۲-جی ایللر آراسیندا ارمنستان پرزیدنتینین یئنی مستقل‌لیک الده ائتمیش اؤلکه‌لر و یاخین شرق مسئله‌لری اوزره کمکچی‌سی اولوب.