ایران-آذربایجان سرحدی همیشه صلح و دوستلوق سرحدی اولوب و بیز بو دوستلوغا و یاخینلیغا قارشی دشمنین فتنه‌کار آددیملارینا امکان وئرمیجییک.

Axar.az خبر وئریر کی، بونو ایران پلیس کوماندانینین معاونی، گنرال قاسم رضایی ایرانلا آذربایجان آراسینداکی یئرلشه‌ن آستارا قورو سرحدینه سفری زمانی ژورنالیستلره مصاحبه‌سینده دئییب.

او بیلدیریب کی، ایران و آذربایجان یوک ماشینلارینین حرکتی اوچون چوخسایلی سرحد ترمیناللاری و کؤرپولر، ائلجه ده سرنیشینلر اوچون قورو سرحد-کئچید منطقه‌لری وار.

قاسم رضایی بو علاقه‌لری یاخشیلاشدیرماق اوچون هر زمان سعیلرین گؤستریلدیینی وورغولاییب.

ایرانین پلیس رسمی‌سی قید ائدیب کی، سون استاتیستیک معلوماتلارا گؤره، هر گون گیلان ایالتیندن آذربایجانا ۲۳۰-آ یاخین تیر حرکت ائدیر و ایران بو رقمی آرتیرماغا حاضردیر.

«هر ایکی طرفده امکداشلیق حکم سورور»، - ایران گنرالی قید ائدیب.