۲۰۲۵-جی ایل اوچون دونیا اؤلکه‌لرینین پاسپورتلارینین اعتبارلی‌لیق و ریتینگ سوییه‌سی آچیقلانیب.

Axar.az خبر وئریر کی، بو باره‌ده «هنلی و پارتنرس» شیرکتینین ۲۰۲۵-جی ایلین ۱-جی روبو اوچون درج ائدیلمیش دنیا پاسپورت ایندکسین‌ده بیلدیریلیب.

معلوماتا گؤر، ۱۹۵ اؤلکه‌یه ویزاسیز سیاحت ائتمک امکانیا گؤره، سینگاپورون پاسپورتو بیرینجی یئری توتوب.

ایران پاسپورتونون اعتبارلی‌لیغی اؤتن ایلله مقاییسه‌ده یئنه ده گئریله‌ییب و یئنی حساباتا گؤره، ایران پاسپورتو ایله یالنیز ۴۴ اؤلکه‌یه ویزاسیز سفر ائتمک ممکن اولدوغونا گؤره ۹۶-جی یئرده قرارلاشیب

همین حساباتا گؤره، آذربایجان وطنداشلاری ۷۲ اؤلکه‌یه ویزاسیز سفر ائده بیلرلر.

سیاهیدا یاپونیا پاسپورتو ایله دنیانین ۱۹۳ اؤلکه‌سینه مانعه‌سیز سفر امکانی اولدوغو و بونا گؤره ده، سیاهی‌دا ایکینجی یئری توتدوغو بیلدیریلیب.

افقانستان پاسپورتو ایسه یالنیز ۲۶ اؤلکه‌یه ویزاسیز سفر امکانینا گؤره سیاهیدا ان سون پیلله‌ده قرارلاشیب.