تهرانین ائوین حبس‌خاناسین‌دا ساخلانیلان گونئی آذربایجان اصیل‌لی ایسوچ وطنداشی پروفسور احمدرضا جالالی ایسوچ حکومتینه عنوانلادیغی مئساژدا حیاتینا لاقیدلییه گؤره رسمی استکهلمو تنقید ائدیب.

Axar.az خبر وئریر کی، بو باره‌ده اونون حیات یولداشی ویدا مهران‌نیا معلومات یاییب.

"اعدام تهلوکه‌سی ایله اوز-اوزه قالدیغیم دهشتلی شرایطیمه، ساغلاملیغیمدا آغیر پروبلملرین یارانماسینا باخمایاراق، منیم تالعیمه لاقید یاناشیرسینیز و گؤرونور کی، ایکیلی وطنداش اولدوغوما گؤره سیزین اوچون ایکینجی درجه‌لی وطنداش حساب ائدیلیرم"،- گونئی‌لی عالیم دئییب.

او، ۷ آی اول ایران رسمیلرینین اونون اعدام ائدیلجیی باره‌ده یئنی‌دن آچیقلامالارینی خاطرلاداراق بیلدریب کی، آغیر شرایط‌ده اولدوغونا گؤره، اعدام ائدیلمه‌دن اؤنجه ده حیاتینی ایتیره بیلر.

"ائله گؤرونور کی، منیم حیاتیمین ایسوچ حکومتی اوچون اهمیتی یوخدور و بو اونلار اوچون پریوریتت دئییل"،- احمدرضا جلالی علاوه ائدیب.

قید ائدک کی، اصلن گونئی آذربایجانین سراب محالین‌دان اولان ایسوچ وطنداشی احمدرضا جالالی ایسه ۲۰۱۶-جی ایلین آپرل آیین‌دا تهران و شیراز اونیورسیتتلرینین دعوتی ایله علمی کنفرانسا قاتیلماق اوچون ایرانا سفر ائتدیکدن سونرا حبس ائدیلیب.

۲۰۱۷-جی ایلین سنتیابر آیین‌دا تهران انقلاب محکمه‌سی آذربایجانلی عالیمی "اسرائیله جاسوسلوق" اتهامینا گؤره اعداما محکوم ائدیب و قرار ایران عالی محکمه‌سی طرفیندن ده تصدیق اولونوب.