بیز «نووه ایرانینا قارشی آلیانس»-ین "۱۰۰ گونلوک پلان"ایندا دونالد ترامپ آدمینیستراسییاسینا تکلیف ائتمیشیک کی، اگر اسلام رسپوبلیکاسینین پروکسی قوه‌لری آمریکانین ماراقلارینا ضرر وورارسا، آمریکا حکومتی جواب اولاراق سپاه و کشفیات ناظرلیینین (اطلاعات) مؤقعلرینه بیرباشا هجوم ائتمه‌لیدیر.

Axar.az خبر وئریر کی، بونو» نووه ایرانینا قارشی آلیانس»-ین رهبری جیسون برادسکی دئییب.

"غربین اسلام رسپوبلیکاسینا قارشی اقتصادی سانکسییالاری ایران رژیمینین و تهرانین پروکسی قوه‌لرینین گوجونو جدی شکیلده آزالدیب و بو وضعیتده ماکسیموم تضییق کامپانییاسینین داوام ائتدیریلمه‌سی ایرانین نظارتینده اولان سلاحلی گروپلاشمالاری تمامیله یئرله-یکسان ائده و حکومتین اؤزونو بئله بیر وضعیته سالا بیلر"،- او علاوه ائدیب.

برادسکی، دئییب کی، ایستراتژی توصیه‌ده دونالد ترامپین کومانداسینا ایران‌دا دموکراتییانین برقرار اولماسینا پراکتیکی اولاراق کمک ائتمیی تکلیف ائدیبلر.

"آمریکا حکومتی بو تکلیفه اساس‌لاناراق، ایران خالقینین منافعی نامینه ایران‌دان کناردا اسلام رسپوبلیکاسینین مالیه منبع‌لرینین قارشی‌سینی کسمه‌لی، و بو وسایتلردن ایرانین و حاضردا حکومتین علیهینه مباریزه آپاران مخالیفلرین گلجیی اوچون استفاده ائتمه‌لیدیر» ،- برادسکی بیلدیریب