روسییادا میقراسییا ساحه‌سینده یئنی قایدالارین تطبیقی ایله علاقه‌دار بو اؤلکه‌نی ترک ائتمک ایسته‌یه‌ن آذربایجان‌لیلار جدی پروبلملرله اوزلشیبلر.

Axar.az خبر وئریر کی، ۲۰-یه یاخین سویداشیمیز حاضردا ماهاچقالادا پلیس بؤلمه‌سینده ساخلانیلیر.

بئله کی، اونلارین روسییادا قالماق ایجازه‌سی باشا چاتیب. بیر چوخ شهرلره اوچوشلارین دایاندیریلماسی و قورو سرحدلرین باغلی اولماسی سببین‌دن همین شخصلر آذربایجانا قاییدا بیلمیرلر.

معلوماتلارا گؤره، عینی پروبلمله اوزلشه‌ن سویداشلاریمیزین سایی مینلرله‌دیر. قید اولونور کی، روسییا حقوق-محافظه اورگانلاری آذربایجان‌لیلارا تضییق گؤستریر، اونلارین اؤلکه‌نی ترک ائتمه‌سینی طلب ائدیرلر. هوا و قورو یوللارینین باغلی اولماسی ایسه بونا امکان وئرمیر.

خاطرلاداق کی، بو ایل یانوارین ۱-دن روسیا فدراسییاسیندا میقراسیا ساحه‌سینده یئنی قایدالار قوه‌یه مینیب. یئنی قایدالارا گؤره، آذربایجان وطنداشلارینین روسیا اراضی‌سین‌ده موقتی اولما مدتی بیر تقویم ایلی عرضینده جمعی ۹۰ گوندور.

قید ائدیله‌ن مدت روسیا قانون وئریجیلیینده نظرده توتولموش اساسلار موجود اولدوقدا (امک فعالیتی اوچون پاتنت آلدیقدا، موقتی یاشاماق اوچون مراجعتی قبول اولوندوقدا و س.) اوزادیلا بیلر.

بوندان علاوه آذربایجان وطنداشی روسیا دولت سرحدینی کئچدیی تاریخدن ۷ ایش گونو عرضینده اولدوغو یئر اوزره قیدیاتا آلینمالیدیر.