بو گون ایران خاریجی ایشلر ناظرلیینین سؤزچوسو اسماعیل بقایی ژورنالیستلرله بیرگه بریفینگده ایران وطنداشلارینین و ماللارینین سوریایا گیریشینین قاداغان ائدیلمه‌سینی تکزیب ائدیب.

Axar.az بیلدیریر کی، بو باره‌ده "طلبه» اینفورماسییا آگنت‌لییی خبر وئریب.

«ایران وطنداشلارینین سوریایا سفری ایله باغلی، تخمیناً بیر نئچه هفته اول، بو اؤلکه‌ده باش وئرن حادثه‌لرین اورتاسیندا وورغولادیم کی، بیز بو شرطلر آلتیندا ایران وطنداشلارینین سوریایا گئتمه‌سینی توصیه ائتمیریک. حال-حاضردا موجود شرطلره گؤره وطنداشلاریمیز بو اؤلکه‌یه سفر ائتمه‌مه‌لیدیرلر. باشلانغیجدا دئدییم کیمی، منجه، خبرین اصلی دوغرو دئییل و اونون یوخلانیلماسینا احتیاج وار»،-اسماعیل بقایی دئییب.