یانوارین ۱۸-ده تهران‌دا عالی محکمه‌نین ایکی حاکمینی اؤلدورن شخصین کیم‌لییی معلوم اولوب.

Axar.az خبر وئریر کی، او، ۳۸ یاشلی فرشاد اسدی‌دیر.

معلوماتا گؤره، تهرانین آذربایجان‌لیلارین کمپاکت یاشادیغی قالا حسن خان بؤلگه‌سیندن اولان اسدی ۱۰ ایل اولدن عالی محکمه‌ده چایچی ایشله‌ییب.

"او، سون آیلار حکومته مخالف "ایران خالق مجاهدلری" تشکیلاتینا عضو اولدوقلارنا گؤره حبس ائدیلن شخصلرین باره‌سینده هانسی حاکملرین اعدام حکمو وئرمه‌سی باره‌ده آراشدیرمالار آپاریب"،- یئرلی منبع‌لرین یایدیغی معلوماتدا بیلدیریلیر.

خاطرلاداق کی، یانوارین ۱۸-ی یئرلی واختلا سحر ساعت ۱۰:۴۰ دقیقه‌ده فرشاد اسدی ایران عالی محکمه‌سینین بیناسیندا عالی محکمه‌نین ۵۳ سایلی شعبه‌سینین مدیری محمد مقیسه و عالی محکمه‌نین ۳۹ سایلی شعبه‌سینین مدیری علی رازینی نی ۶ گوله ایله قتله یئتیریب، بیر محافظه‌چینی یارالادیقدان سونرا انتحار ائدیب.

قید ائدک کی بو، ایران عالی محکمه‌سی بیناسیندا باش وئرن ایکینجی اوخشار حادثه‌دیر.

بوندان اول ۱۱ مارت ۱۹۴۶-جی ایلده ده، رادیکال "اسلام فدایی‌لری" تشکیلاتینین عضولری عالی محکمه‌نین بیناسیندا آذربایجان‌لی حقوق‌شناس، سیاست‌چی، تاریخ‌چی و عالیم احمد کسروی و معاوینینی محمدتقی حدادپورو گوله و بیچاق ضربه‌لری ایله قتله یئتیریبلر