یانوارین ۲۴-ده تبریزین دولت و انقیلاب پروکورورلوغونون ۱۵-جی بؤلمه‌سینده ۱۲ میللی فعالین دیندیریلمه اجلاسی کئچیریلیب.

Axar.az خبر وئریر کی، بو باره‌ده یئرلی اینسان حاقلاری فعاللاری معلومات یاییب.

معلوماتا گؤره، گونئی آذربایجانلی فعاللار «سیستم و جمعیته قارشی چیخماق مقصدی ایله غیری-قانونی گروپلاشمایا عضو اولماق، داخیلی و خاریجی تهلوکه‌سیزلییه قارشی جنایت تؤرتمک اوچون البیر اولماق»دا اتهام اولونوبلار.

آراز ایبراهیم‌نژاد، داوود شیری، مهرداد قادری، یوروش مهرعلی‌بیگلی، حمید یگانه‌پور، محمد رضا موحد، امیر حسین آغایی، علی بابایی، جواد سودبر، مرتضی نورمحمدی، حسین آزادی و ابراهیم عوض‌زاده, باره‌لرینده ایر‌لی سورولن اتهاملارا گؤره مدافعه چیخیشی ائدیبلر.

کئچمیش سیاسی فعال یوروش مهرعلی‌بیلگی‌یه قارشی ایسه قید اولونان اتهاملاردان علاوه «رژیمه قارشی چیخماق نیتی ایله گروپ یاراتماق» اتهامی دا ایر‌لی سورولوب.

ناصر رزمجونون دا بو جنایت ایشینده آدی اولماسینا باخمایاراق، پروکورورلوق اونا چاغیریش مکتوبو گؤندرمه‌دیینه گؤره، او دیندیریلمه اجلاسیندا اشتراک ائتمه‌ییب.

قید ائدک کی، آدی چکیلن فعاللار اؤتن ایلین مختلیف دؤورلرینده حبس ائدیله‌رک تبریز حبسخاناسینا کؤچورولوب، بیر مدت سونرا ایسه گیروو قارشیلیغیندا موووقتی اولاراق محکمه‌یه قدر سربست بوراخیلیبلار.