ایران حکومتینین آمریکا پرزیدنتی دونالد ترامپا قارشی سوءقصد پلانلارینینین تفرعاتینی آچیقلایان "قیصاص: ترامپین حاکمیته قاییدیشینین پرده آرخاسی" آدلی کتاب آپرل آییندا نشر اولوناجاق.

Axar.az خبر وئریر کی، کتابین مؤلفی آلکس ایزنشتات‌دیر.

کتاب ایرانین آمریکا پرزیدنتی دونالد ترامپا قارشی سوءقصد پلانینین یئنی مقاملارینی اوزه چیخاراراق، آمریکانین سون سئچکی کامپانییاسی عرضین‌ده ایران رژیمینین اونا قارشی تهدیدلرینین او زمان اجتماعیته آچیقلاندیغیندان داها شدتلی اولدوغونو گؤستریب.

"اسلام رسپوبلیکاسیندان گلن تهدیدلرین عهده‌سین‌دن گلمک اوچون ترامپین کومانداسی فوق‌العاده احتیاط تدبیرلری گؤروب، او جمله‌دن ایسته‌نیله‌ن پوتنسیال هوجومون قارشی‌سینی آلماق اوچون «آلدادیجی تییاره»دن ایستیفاده ائدیب"،- کیتاب‌دا قئید اولونوب.

«کئچن ایل حقوق-محافظه اورگانلاری ترامپا خبردارلیق ائتمیشدیلر کی، تهران یئر-هوا راکتلرینه چیخیش الده ائتمک اوچون آمریکادا عملیاتچیلار ایشه گؤتوروب»،- مؤلف » آخیوس «خبر سایتینا دئییب.

مؤلفین یازدیغینا گؤره، ایرانین بو حادثه‌لرله علاقه‌سینین قطعی شکیل‌ده ثبوتونا دایر دلیل‌لر اولماسا دا، ترامپین کومانداسی اونون «ترامپ فورس وان» کیمی تانینان شخصی طیاره‌سینه هجوم احتمالین‌دان سون درجه ناراحات ایدی.

آلکس ایزنشتات بیلدیریب کی، ترامپین کومانداسی حساب ائدیردی کی، اسلام رسپوبلیکاسی اونون شخصی طیاره‌سینی اوچوش و یا ائنیش زمانی هدفه آلا بیلر.

مؤلفین ادعاسینا گؤره، ترامپین سئچکی قرارگاهینین عضولرینین دئدیینه اساساً ، بو حادثه‌لردن سونرا او، اجتماعی تدبیرلرینده داها احتیاط‌لی داورانیب و او زمان سپاه-ین قدس قوه‌لرینین کوماندیری قاسم سلیمانینی اؤلدورمک اوچون هوا هجومو امری وئردیی باره‌ده آز دانیشیب.