حاضردا ائو دوستاغی اولان کئچمیش باش ناظیر و ۲۰۰۹-جو ایلده کئچیریله‌ن پرزیدنت سئچکیلرینین نامزدی آذربایجانلی سیاستچی میر حسین موسوینین آزادلیغی طلبی ایله آکسیایا چاغیریش ائد‌ن ۳ نفر حبس ائدیلیب.

Axar.az خبر وئریر کی، بو باره‌ده موسوینین مشاوری اردشیر ارجمند معلومات یاییب.

اونون سؤزلرینه گؤره، آکسیا بو گون تهران اونیورسیتتینین قارشی‌سیندا کئچیریلمه‌لی اولسا دا، آکسیا تشکیلات‌چیلاری رحیم قمیشی، ناصر دانشفر و اکبر سرارودی ساخلانیلدیغینا گؤره، بو باش توتماییب.

"یاشیل حرکات" رهبرلرینین آزادلیغی طلبی ایله آکسیانین کئچیریلمه‌سی باره‌ده‌کی چاغیریشا ۵۰۰ ضیالی، سیاستچی، ایران-عراق محاربه‌سینده عائله عضولرینی ایتیرن شخصلر قول چکیب و دستکله‌ییب"، - ارجمند دئییب .

قید ائدک کی، میر حسین موسوی ۲۰۰۹-جو ایلده کئچیریله‌ن پرزیدنت سئچکیلرینده غالب گلسه ده، علی خامنه‌اینین اراده‌سی ایله محمود احمدی‌نژاد پرزیدنت تعیین اولونوب.

تبریزلی سیاستچی، نتیجه‌لرین ساختالاشدیریلماسینا و علی خامنه‌اینین محمود احمدی‌نژادی پرزیدنت اعلان ائتمه‌سینه قارشی نماییشه چاغیریب.

یوز مینلرله وطنداشین اشتراک ائتدیی ازدهاملی اعتراض میتینگلریندن سونرا میر حسین موسوی، اونون حیات یولداشی زهرا رهنورد و باشقا نامزد، ایران پارلامنتینین کئچمیش صدری مهدی کروبی ائو حبسینه محکوم ائدیلیب.