۲۰۲۵-جی ایلده تبریز و تورکییه‌نین آنتالیا شهرلری بیرگه آسیا اؤلکه‌لرینین اکولوژی شهرلری سئچیلیب.

Axar.az خبر وئریر کی، بو باره‌ده تبریزین مئری یقوب هوشیار معلومات یاییب.

اونون سؤزلرینه گؤره، آسیا بلدییه باش‌چیلاری آسسامبلیاسینین بیر نئچه آی اول ۲۰۲۵-جی ایلده آسییا اؤلکه‌لرینین اکولوژی پایتاختینی سئچمک چاغیریشیندان سونرا تبریزین ده نامیزدلییی ایر‌لی سورولموشدو.

"تبریز اوزون مدتدیر کی، خصوصی هاوا و ایقلیم شرایطینه مالیک اولوب، اوزون اون‌ایللیکلر عرضینده ایرانین ان تمیز و ان پاک شهری اولوب. همچینین تبریز متروپولیسی‌نین اطراف محیط ساحه‌سینده انفراستروکتور تدبیرلری آسییا بلدییه باشچیلاری آسسامبلیاسینی تبریزی آسیا اؤلکه‌لرینین اکولوژی پایتاختی سئچمه‌یه قانع ائدیب"،- هوشیار بیلدیریب.

قید ائدک کی، آسیا بلدییه باشچیلاری آسسامبلیاسی تبریزی آسییا اؤلکه‌لرینین اکولوژی پایتاختی سئچیلمه‌سی مناسیبتیله تبریک ائدیب.