پکین‌ده کئچیریلن ایران، چین و روسیانین اوچطرف‌لی گؤروشونده ایرانین نووه پروبلمی و سانکسییالارین لغوی ایله باغلی سون وضعیت اطراف‌لی شکیل‌ده آراشدیریلیب و بو گؤروشده بیانات وئریلیب.

Axar.az خبر وئریر کی، بو باره‌ده ایران مئدیاسی معلومات یاییب.

معلوماتا گؤره، بیاناتدا اوچ اؤلکه سانکسییالاری بیرطرفلی و غیری-قانونی آدلاندیریب و اونلارین لغو ائدیلمه‌سینین واجیبلیینی وورغولاییب، قارشی‌لیقلی حرمته اساس‌لانان دیپلماتیک فعالیت و دیالوگو یگانه پراکتیک و اعتبارلی حل یولو حساب ائدیب.

همچینین ایران، چین و روسیا ب.ام.ت تهلوکه‌سیزلیک شوراسینین ۲۲۳۱ سایلی قطعنامه‌سینین اجراسی و اورادا معین ائدیلمیش گرافیکلره رعایت ائدیلمه‌سینین واجیبلیینه دقت چکیب، علاقه‌دار طرفلردن وضعیتی گرگینلشدیره‌جک هر هانسی آددیم‌دان چکینمیی ایسته‌ییبلر.

بونونلا یاناشی، چین و روسیا ایرانین اؤلکه‌نین نووه پروگرامینین دینج کاراکتر داشیماسی و نووه سلاحی استحصال ائتمه‌یه چالیشماماسی باره‌ده یئنی بیاناتینی آلقیشلاییب.