غربی آذربایجان ایالتی‌نین مرکزی اورمییا شهریندن ایران پارلامنتینه تعیین اولونان کرد اصیللی ملت وکیلی حاکم ممکان مارتین ۲۲-ده اورمییادا کئچیریلن آکسییادا اشتراک ائد‌نلره قارشی جزا تبرلرینین گؤرولمه‌سینی ایسته‌ییب.

Axar.az خبر وئریر کی، او، بو باره‌ده اؤزونون سوسیال مئدیا حسابین‌دا پایلاشیم ائدیب.

"بیرلییی پوزانلار و ملی تهلکه‌سیزلییه قارشی چیخانلارلا باغلی اولچو گؤتورولمه‌لی‌دیر"،- ملت وکیلی یازیب.

خاطیرلاداق کی، مارتین ۱۸-ده غربی آذربایجان‌دا یاشایان کردلر و باشقا بؤلگه‌لردن گتیریلن کرد اصیللی قوناقلار اورمییادا بایرام مراسیمی کئچیریب و "اورمییا کردستان‌دیر" شعارلاری سسلندیریبلر.

بوندان سونرا مارتین ۲۲-ده ۱۰ مینلرله آذربایجانلی اورمییانین مرکزی کوچه‌لرینده میلیت‌چی کردلرین تورپاق ادعالارینا قارشی آکسییا کئچیریبلر.

آکسییادا "اورمییا تورکوندور، تورکون اولاجاق"، "آذربایجان اویاقدی، کردلر بیزه قوناقدی"، "بو تورپاقدان پای اولماز، اورمو کردستان اولماز" و باشقا بو کیمی شعارلار سسلندیریبلر.

آکسییا شیعه‌لرین بیرینجی امامی علی ابن ابوطالبین وفات گونونه تصادف ائتدیینه گؤره، یاس مراسیمینه گلنلر ده آکسییاچیلارا قوشولدوغو اوچون بو نئچه یوز مینلیک میتینگه چئوریلیب.

قید ائدک کی، کرد اصیللی ملت وکیلی حاکم ممکان، غربی آذربایجان ایالتینده تورکلره، آذربایجان تورکجه‌سی و مدنیتینه قارشی غرضلی موقع و چیخیشلارینا گؤره تانینیب.