تهرانین ائوین حبس‌خاناسیندا محبوسلارلا حبس‌خانا نظارت‌چیلری آراسیندا قارشی‌دورما اولوب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

معلوماتا گؤره، قارشی‌دورما حبسخانانین ۴-جو بؤلمه‌سین‌ده ساخلانیلان ۵ سیاسی محکومون اعدام اوچون کرجین قیلیزل‌حصار حبسخاناسینا کؤچورولمه‌سی زمانی باش وئریب.

باشقا سیاسی محبوسلار ۵ سیاسی محکومون کؤچورولمه‌سینه مانع اولوبلار، حبسخانایا چاغیریلان خصوصی قوه‌لر اعتراضچی محبوسلارا هجوم ائدیب، نتیجه‌ده بیر نئچه محبوس یارالانیب.

قید ائدک کی، اعداما محکوم ائدیلن محمد تقوی، پویا قبادی، وحید بنیامریان، علی‌اکبر (شاهرخ) دانشورکار و بابک علیپور، حکومته مخالف "خالق مجاهدلری تشکیلاتی"نا عضو اولماق‌دا گناهلاندیریلیبلار.