ایران پرزیدنتی مسعود پزشکیان آپرلین ۱۶-دا ایران رادیو و تلویزیاسینین کنگرس زالیندا کئچیریلن "ایران قهرمانی" آدلی تدبیرده یئنه ده محمدحسین شهریارین "حیدربابایا سلام" پویماسین‌دان بیر نئچه بند اوخویوب.

Kult.az خبر وئریر کی، بو باره‌ده ایران مئدیاسین‌دا معلومات و ویدئولار یاییلیب.

پرزیدنتین "حیدربابایا سلام"ین ۳ بندینی اوخوماسی تدبیر اشتراکچیلارینین بیر قیسمینین اعتراضی ، آذربایجان اصیل‌لی اشتراک‌چیلارین ایسی آلقیشی ایله قارشیلاشیب:

پزشکیانین آذربایجان دیلینده شعر اوخوماسینی عکس ائتدیره‌ن ویدئو و معلوماتلارین یاییلماسیندان سونرا، اوللر ده اولدوغو کیمی بونا فرق‌لی رئاکسیالار گؤستریلیب.

ایران سوسیال مئدیا پلاتفورمالاریندا بعضیلری بونو یئنه ده اؤلکه‌نین رسمی دولت دیلی اولان فارس دیلینه قارشی حرمتسیزلیین نمونه‌سی کیمی دیرلندیریب، پرزیدنتین "قانونلاری پوزدوغونو" ادعا ائدیبلر.

بونونلا یاناشی، مسعود پزشکیانین بو حرکتی بیر سیرا آذربایجان‌لیلارین دا ناراضی‌لیغی ایله قارشیلاشیب.

اونلار پرزیدنتین آذربایجان دیلینده شعر اوخوماسینی اؤلکه‌ده غیری-فارس دیللرینه قارشی اولان مناسبتین دییشمه‌سی، تابولارین سیندیریلماسی اوچون مثبت آددیم حساب ائتسه‌لر ده، بونو کافی حساب ائتمه‌ییبلر.

آذربایجان‌لی سوسیال مئدیا استفاده‌چیلری غیری-فارس خالقلارین ملی-مدنی پروبلملرینین یالنیز بعضی تدبیرلرده شعر اوخونماسی ایله محدودلاشمادیغینی، غیری-فارس دیللرینین تدریسینین قانونیلشدیریلمه‌سینین واجیبلیینی بیلدیریبلر:

"پرزیدنتین بو حرکتی آنا دیللرینده تحصیل آلا بیلمه‌یه‌ن، ملی-مدنی حقوقلاریندان محروم ائدیلن خالقلارین، خصوصیله آذربایجان‌لیلارین اوریینه سو سپسه ده، پروبلمین حلی دئمک دئییل. پرزیدنت قانونی صلاحیت و امکانلاریندان استفاده ائد‌رک، ان آزیندان اؤلکه کونستیتوسییاسین‌دا غیری-فارس دیللرینین هفته‌ده ایکی ساعت محدود شکیل‌ده اؤیردیلمه‌سینی نظرده توتان ۱۵-جی ماده‌نین اجراسینا چالیشمالیدیر".

قید ائدک کی، ایران کونستیتوسییاسینین ۱۵-جی ماده‌سینده غیری-فارس دیللریندن غیری-رسمی یازیشمالار و دانیشیقلاردا استفاده اولونماسی قاداغان ائدیلمه‌ییب.

همین ماده‌یه گؤره، اؤلکه‌ده غیری-فارس دیللرینین ادبیاتینین محدود شکیل‌ده اؤیردیلمه‌سی (تحصیل یوخ) نظرده توتولسا دا، بو ۴۶ ایلدیر کی، اجرا اولونمور.

بوندان اول جاری ایلین فورال آیینین ۲۶-دا ایران پارلامنتینین آچیق اجلاسین‌دا غیری-فارس دیللرینین هفته‌ده ۲ ساعت اؤیردیلمه‌سینی نظرده توتان قانون لایییهه‌سی سس‌وئرمه‌یه چیخاریلیب.

سس‌وئرمه‌ده اشتراک ائد‌ن ۲۴۶ ملت وکیلینین ۱۰۴-او قانون لایحه‌سینین لهینه، ۱۳۰-او علیهینه سس وئریب، ۵ ملت وکیلی طرفسیز اولوب، ۷ نفر ایسه سس‌وئرمه‌ده اشتراک ائتمه‌ییب.