بین‌الخالق عفو تشکیلاتی محمد تقوی، پویا قبادی، وحید بنیامریان، علی‌اکبر‌(شاهروخ) دانشورکار و بابک علیپورون اعدام ائدیلجه‌ییندن ناراحاتدیر و ایران حکومتینی آدی چکیلن سیاسی محبوسلار باره‌ده چیخاریلان اؤلوم حکمونو لغو ائتمه‌یه، اونلاری سربست بوراخماغا چاغیریر.

Axar.az خبر وئریر کی، بو بین‌الخالق عفو تشکیلاتی‌نین یایدیغی بیانات‌دا دئییلیب.

بین‌الخالق تشکیلات سیاسی محبوسلارین عدالتسیز محکمه‌ده محاکمه اولوندوقلارینی و استنطاق دؤورونده اونلاردان اشگنجه آلتیندا مجبوری اعتراف آلیندیغینی بیلدیریب.

قید ائدک کی، ایکی گون اول اعداما محکوم ائدیلمیش ۵ سیاسی محبوسون اوین حبسخاناسیندان قیزیل‌حصارا کؤچورولمه‌سی زامانی قارشیدورما یارانیب.

محبوسلار اعداما محکوم ائدیله‌نلرین کوچورولمه‌سینه مانع اولماغا چالیشدیقلاری اوچون اوین حبسخاناسینا خصوصی قوه‌لر جلب ائدیلیب، نتیجه‌ده بیر نئچه اعتراضچی محبوس یارالانیب.