ایران تلویزیاسینین بیرینجی کانالین‌دا مسلمانلارین بیرینجی خلیفه‌سی ابوبکرین تحقیر اولونماسی اؤلکه‌ده یاشایان سنی مذهبلی مسلمانلارین اعتراضلاری ایله قارشیلاشیب.

Axar.az خبر وئریر کی، بو باره‌ده بلوچ فعاللارینین کامپانییاسی معلومات یاییب.

معلوماتا گؤره، ابوبکر آپرلین ۲۳-او آخشام ساعتلاریندا "سیمای خانواده" (عایله‌نین سیماسی) آدلی وئریلیشده تحقیر اولونوب، اونون اسلام دونیاسینا منسوب‌لوغو شبهه آلتینا آلینیب.

بون‌دان سونرا سنی مذهب‌لی دین خادملری سوسیال مئدیا پلاتفورمالارین‌دا پایلاشیم ائد‌رک دولت تلویزیاسینی مسلمانلار آراسیندا نفاق سالماق‌دا گناهلاندیریبلار.

اعتراض پایلاشیملاری و بیاناتلارینین آرتماسین‌دان سونرا دولت تلویزیاسی بیانات یایاراق حادثه‌نی "باغیشلانیلماز و شبهه‌لی" آدلاندیریب، سنیلردن عذر ایسته‌ییب و تلویزیانین بؤلمه رئیسی و آپاریجینین ایشده‌ن چیخاریلدیغینی دئییب.

دولت تلویزیاسی بونونلا یاناشی وئریلیشین بوتون پلاتفورمالاردان سیلیندیینی، وئریلیشین حاضرلانماسی و یاییلماسیندا امیی اولان داها ۸ نفر محکمه اورگانلارینا وئریلدیینی و باره‌لرینده جنایت ایشی آچیلدیغینی بیلدیریب.