سوئد حکومتی حاضردا تهرانین اوین حبسخاناسیندا ساخلانیلان اعداما محکوم ائدیلمیش ایران-سوئد ایکیلی وطنداشلیغی اولان احمدرضا جلالی‌نین درحال آزاد ائدیلمه‌سینی طلب ائدیب.

Axar.az خبر وئریر کی، بو باره‌ده سوئدین خارجی ایشلر ناظری ماریا مالمر استنرگارد اؤزونون X سوسیال مئدیا حسابیندا یازیب.

او، احمدرضا جلالی‌نین حبسی‌نین اوستوندن ۹ ایل کئچدیینی دقته چاتدیریب:

"بیز احمدرضا جلالینین وضعیتینین چوخ آغیر اولدوغو باره‌ده معلومات آلدیقدان درحال سونرا مارت آییندا ایرانین سوئدده‌کی سفیرینی خارجی ایشلر ناظرلیینه چاغیریب و تهران حکومتیندن عالیمین هومانیست سببلره گؤره عائله‌سینه قوووشماق اوچون سربست بوراخیلماسینی ایسته‌دیک".

قید ائدک کی، سوئد وطنداشی اولان گونئی آذربایجانلی احمدرضا جلالی ۲۰۱۶-جی ایلین آپریل آییندا تهران و شیراز اونیورسیته‌لری‌نین دعوتی ایله علمی کنفرانسا قاتیلماق اوچون ایرانا سفر ائتدیکدن سونرا حبس ائدیلیب.

۲۰۱۷-جی ایلین سپتامر آییندا تهران انقلاب محکمه‌سی آذربایجانلی عالیمی "اسرائیله جاسوسلوق" اتهامینا گؤره اعداما محکوم ائدیب و قرار داها سونرا ایران عالی محکمه‌سی طرفیندن ده تصدیق اولونوب.