شرقی آذربایجان ایالتین‌ده الده‌توخوما خالچا اخراجاتینین آزالماسی ۴۰۰ استحصالات موسسه‌سینین، ۱۲۰۰ خالچا مغازاسینین باغلانماسی و ۲۰۰ مین توخوجونون ایشسیز قالماسی ایله نتیجه‌لنیب.

Axar.az خبر وئریر کی، بونو شرقی آذربایجان ایالتینین نماینده‌لر مجلیسینین رهبری علیرضا نوین دئییب.

«بو مسئله اؤلکه‌نین ان یوکسک قرار وئریجی اورگانلاری سویه‌سین‌ده قالدیریلمالی، مانعه‌لرین آرادان قالدیریلماسی و تبریز خالچالارینین کئچمیش ایستاتوسونون برپاسی اوچون جدی پلانلاشدیرما آپاریلمالیدیر»،- ملت وکیلی بیلدیریب.

خالچا اخراجیندان الده اولونان گلیرین ۴۰ میلیون دلارا قدر آزالدیغینی دئیه‌ن علیرضا نوین، مده‌نی ارث، توریزم و ال ایشلری ناظرلیینی تبریز خالچا صنایع‌سینه خصوصی دقت یئتیرمه‌یه چاغیریب.