بو گون تورکییه‌ده بین الخالق مدافعه صنایع‌سی سرگیسی باشلاییر.

ایستیپرس خبر وئریر کی، ایدف-۲۰۱۷ مای آیینین ۱۲-دک تورکییه‌نین ایستانبول شهرین‌ده داوام ائد‌جک.

سرگیده ۱۵۶ اؤلکه‌نین مدافعه ناظری، ۱۰۵ اؤلکه‌نین مدافعه صنایع‌سی ناظری، ۱۴ اؤلکه‌نین مدافعه ناظرینین معاوینی، ۷ اؤلکه‌نین مدافعه صنایع‌سی کاتیبی، ۲۳ اؤلکه‌دن باش قرارگاه ریسی، ۱۱ اؤلکه‌دن قورو قوشونلاری کوماندانی، ۲۹ اؤلکه‌دن حربی هاوا قووولری کوماندانی، ۸ اؤلکه‌دن ژاندارما باش کوماندانی اولماقلا، عمومی‌لیکده ۱۵۶ اؤلکه‌دن ۳۵۳ رسمی هئیت دعوت اولونوب.

سرگی‌ده باشدا تورکییه اولماقلا، ۶۱ اؤلکه‌دن شیرکت و دؤولت موسسه‌لری ایشتیراک ائد‌رک اؤز محصوللارینی سرگیله‌یه‌جک.

آذربایجانی سرگی‌ده مدافعه صنایع‌سی ناظرلیگی تمثیل ائد‌جک. مدافعه صنایع‌سی ناظرلیگی آرتیق بئشینجی دفعه‌دیر، ایدف سرگی‌سینده تمثیل اولونور. اؤتن گون مدافعه ناظری زاکیر حسنوو دا سرگیده ایشتیراک ائتمک اوچون تورکییه‌یه یولا دوشوب.

آذربایجان مدافعه صنایه سی ناظرلیگی تورکییه‌ده کئچیریلن ایدئف-۲۰۱۷ بین الخالق مدافعه سرگیسین‌ده «واشاق» آدلی یئنی سنایپر تفنگینی ایلک دفعه نماییشه چیخاریب. یئنی سنایپئر توفنگی مدافعه صنایع‌سی ناظرلیگینین ایستندینده «یالقوزاق» و «ییرتیجی» سنایپر تفنگلری ایله یاناشی یئر آلیب. بو دفعه کی سرگیده «ایستیقلال» و «مباریز» سنایر تفنگلری ایلک دفعه‌دیر کی، یئر آلمیر.

بیرکالیبرلی سنایپئر توفنگی اولان «واشاق»دا زربه مئخانیزمینی و لوله‌سینی دییشمکله ایکی فرق‌لی کالیبرده پاترونلا – ۳۳۸ لاپوا ماگنوم و ۳۰۸ وین (۷.۶۲×۵۱) پاترونلاردان آتش آچماق ایمکانی مؤوجوددور.

سنایپئر توفنگی موختلیف اوپتیک نیشانگاهلارلا کومپلئکتلش‌دیریله بیلیر. سلاح قات‌لانان و هوندورلویو تنزیم‌لنه‌ن قونداغا، اؤن حیسه‌ده آیاغا صاحب‌دیر. سنایپئر توفنگی تک-تک دول‌دورما (بولت آجتیون) ایش پرینسیپی ایله ایشلییر.