آیفون-۸ موبایل تلفن گؤزله‌نیلن ساتیش رکوردونو قیرا بیلمه‌ییب.

ترند-این معلوماتینا گؤره، "اپل" شیرکتینین سنتیابرین ۱۲-ده تقدیماتینی کئچیردیی آیفون-۸ و آیفون-۸ پلوس یئنی مدئللری آرتیق بیر چوخ اؤلکه‌لرده ساتیشا چیخاریلیب. لاکین بوندان اولکی آیفون-۷ مدئلی آیفون ۸-دن داها چوخ ساتیلیر.

بونون سببلریندن بیری کیمی نویابردا تقدیماتی گؤزله‌نیله‌ن آیفون-۱۰-جو مدئلینه گؤره آیفون-۸-ه ماراغین آزالماسی گؤستریلیر.

همچینین آیفون-۸-ده آیفون-۷ ایله موقاییسه‌ده چوخ یئنیلیک اولمادیغی اوچون هم ده اوجوز قیمته گؤره اکثر آلیجیلارین اولکی مدئله اوستونلوک وئردیی بیلدیریلیر.

قید ائدک کی، آیفون-۸-این آمریکادا قیمتی ۶۹۹ دوللاردان باشلاییر. آیفون-۱۰-جو-نین قیمتینین ایسه ان آزی ۹۹۹ دوللار اولاجاغی دئییلیر.